Mark Twain

Ky artikull nuk përmban asnjë referim. Për pasojë, besueshmëria në të lë për të dëshiruar. Ndihmoni të shtojmë burime sipas udhëzimeve të përshkruara te Ndihmë:Referimi.

Mark Twain (1871)

Samuel Langhorne Clemens (30 nëntor 1835 - 21 prill 1910), i njohur me emrin e tij të letrave si Mark Twain, ishte një shkrimtar amerikan, humorist, sipërmarrës, botues dhe ligjërues. Romanët e tij përfshijnë Aventurat e Tom Sojerit (1876) dhe vazhdimin e tij, Aventurat e Hakëlberi Finit (1885), ky i fundit i thërritur shpesh si "Romani i Madh Amerikan".

Thënie

• Unë nuk kam frikë nga vdekja. Unë kam qenë i vdekur për miliarda e miliarda vjet para se të kem lindur dhe nuk kam pësuar as më të voglin shqetësim nga kjo.
• Leximi nuk ju ndryshon vetëm jetën e juaj por edhe rrjedhën e historisë.
• Personi që di të lexojë por nuk lexon nuk është në pozitë aspak më të mirë nga personi që nuk di të lexojë.
• Mos u vërtit duke thënë se bota ta ka borxh një jetesë. Bota nuk të ka borxh asgjë. Ajo ishte këtu para teje.
• Mosha është çështje e mendjes. Nëse nuk i jep rëndësi, ajo nuk merr rëndësi.
• Zemërimi është një acid që mund të dëmtojë më shumë enën në të cilën ai ruhet sesa këdo tjetër.
• Mblidhi faktet e tua më parë, pastaj mund t'i shtrembërosh ato si të duash.
• Falja është aroma që vjollca hedh në thembrën që e ka shkelur.
• Është më mirë të heshtësh dhe të mendojnë që je budalla se sa të hapësh gojën dhe të heqin çdo dyshim.
• Patriotizëm është të mbështetësh vendin tënd gjithë kohën, dhe qeverinë tënde kur ajo ta meritojë.
• Kurdo që ti e gjeni veten në anën e shumicës, është koha për pauzë dhe reflektim.
• Nëse ti thua të vërtetën, atëherë nuk ke nevojë fare për kujtesë.
• Mirësia është gjuha të cilën të shurdhërit mund ta dëgjojnë dhe të verbërit mund ta shohin.
• Bubullima është e mirë, bubullima është mbresëlënëse; por është vetëtima ajo që bën punën.