Fjalë të urta shqiptare

Nga Wikiquote
(Përcjellë nga Fjalë të urta Shqiptare)
Jump to navigation Jump to search
Tools-hammer.svg Ky artikull duhet të përmirësohet sipas standardeve të përshkruara te Ndihmë:Çfarë është një artikull?


  • Nga një vrimë e vogël, rrjedh e gjithë fuçia.
  • Një shkëndijë ndez një mal.
  • Për një dorë kashtë e vret samari mushkën.
  • Për një pe, për një gjilpërë, vajti dëm një punë e tërë"
  • Ruaju të të ruajë perëndia.
  • Ruhu nga thëngjilli i mbuluar.
  • Së ligës ruaju, e mira të ndjek vetë nga pas.
  • S'lidhet kali me pe.
  • Shkon një herë, bëhen gjurma; dy tri herë bëhet udhë.
  • Ujku mjergull kërkon.
  • Përmend qenin, bëj gati shkopin.
  • Shtëpia pa fëmijë, si nata pa yje.
  • Më i keqi vëlla të merr hakun.
  • Motra jemi, shoqe s'jemi.
  • Ndarja është më e mira e të ligave.
  • Krushka për dhëndrin gjen peshk majë malit.
  • Gjumi natës i randë i bën keq ditës.
  • Gjumi në dëborë është shkesi i vdekjes.
  • Mos pyet sa vjeç je, po ç'shëndet ke.
  • Nuk mbushet pusi me pështyma.
  • As këmishës së shtatit s'është për t'i besu.
  • Besove, bëre mirë, s'besove, ca më mirë.
  • Ç'ka shtëpia të mos marrë vesh fqinjëria.
  • Do të ruash sekretin nga armiku, mos ia thuaj as mikut.

capi mendjelehte shqeteson bariun duke e lene tufen te shkujdesur si rrapi shiun

  • Esapi i shtëpisë nuk del në pazar.
  • E thëna dhe e bëra janë larg.
  • I marri premton dhe budallai shpreson.
  • Kur qesh djalli e ka punën keq.
  • Mba murin mos bie.
  • Me thënë e me të bërë shkon në mes një lum i tërë.
  • Më gënjeve një herë, harram e paç, më gënjeve të dytën hallall.
  • Mos u bëj thes i çpuar.
  • Mos dëgjo ç'thotë ai për vete, por dëgjo ç'thonë bota për të.
  • Ma kanë sharë pelën se kanë sy ta blenë.
  • Në më rrefsh së pari të vraftë Zoti, në më rrefsh së dyti, të ndihmoftë Zoti.
  • Kur të thonë ngordhi ujku, atëherë ruaj gomarë.
  • Mos i jep shkopin harbutit, se të vret me shkopin tënd.
  • Nuk është ar gjithë që ndrit.
  • Nuk i varen ujkut mëlçitë në qafë.
  • Kur merr dërrasa të plasur, çahet e tëra.
  • Kur je veti i dytë, të ngoh dhe fryma e shokut.
  • Me mikun ha e pi, të dhënë e të marrë mos ki.
  • Mendja me mendjen, pjellin mëndje.
  • Me një ka nuk bëhen pendë.
  • Me nji tra nuk mban shtëpia.
  • Mëson nga armiku më shumë se nga miku.
  • Miku i mirë të nderon shtëpinë, miku i vjetër nuk hidhet poshtë.
  • Miku është mik deri sa nuk përzihet në hallet e shtëpisë.
  • Miku harrohet po të largohet.
  • Miku i mirë vjen nga porta.
  • Nuk bëhet stani me dhi të egra.
  • Njeriu ka nevojë më tepër për dashuri, se për lavdi.
  • Njeriu pa shokë, si muri pa tokë.
  • Miku i mikut tim, është edhe miku im.
  • Një krah s'mban kala.
  • Një zog që ndahet nga klloçka, e ha shqipja.
  • Pa djalë e pa gocë rrova, pa shok nuk rrova.
  • Për një shamatë, lypen dy veta.
  • Punën nuk e bën një gisht, po e bën grushti.
  • Qentë le të lehin, karvanet të shkojnë përpara.
  • Ruajmë nga miku, se nga armiku ruhem vetë.
  • S'bëhet lëmi me një kalli.
  • S'bëhet stani me lepura.
  • S'mblidhen lepujt në vath.
  • S'mbushet thesi me një kokërr.
  • Syri është më i mprehtë se kordha.
  • Shejtani kur nuk ka punë rreh të birin.
  • Shokë bashkë, e bukë veç.
  • Shoku sa duhet, aq qortohet.
  • Shtëpinë e mbajnë të gjitha shtyllat.
  • Tek nusja hanë e pinë, te dhëndrri gja nuk dinë.
  • Të më mbrosh atje ku s'jam, se ku jam mbrohem vetë.
  • Uji fle, hasmi s'fle.
  • Ankohet kalorësi se po i varen këmbët.
  • As nuk kam, as më mbarohen.
  • Bjer, o zot, mikun; të haj dhe i zoti i shtëpisë.
  • Bota të jep aq sa t'i kesh dhënë asaj.
  • Bukë e kripë e zemër.
  • Çilet dera, rritet ndera.
  • Dora lanë dorën, të dyja lajnë faqet.
  • Edhe pula jote në kopshtin e botës të duket e majmë.
  • Fukara jam, po shpirtin nuk e kam fukara.
  • I mirë për shokë, e i lig për vete.
  • Bukën tënde ha, hall të botës qa.
  • Çezma i lan të gjithë, veten nuk e lan.
  • I fundit ja do qaj, ja do qeshë.
  • I qan hallin kalorësit.
  • I zoti i shtëpisë, rri në fund të urave të zjarrit.
  • Jo gjithmonë "mirë se të gjeta" po edhe "mirë se erdhe".
  • Kafeja është e zezë, po të zbardh faqen.
  • Nga fryn era kthen gëzofin.
  • Kam qeshur të tjerë, më mbiu në derë.
  • Keq më vjen, po dëm s'më bëhet.
  • Ku s'të thërresin, mos shko; ku s'të pyesin, mos kuvendo.
  • Këpucari i ka këpucët e grisura.
  • Kërkon të zërë gjarpërin me dorë të botës.
  • Kopraci s'të jep të zezën e ullirit.
  • Ku bien daullet të çojnë këmbët vetë.
  • Ku rënça mos u vrafsha.
  • Kur të kem me thasë, të të jap një trastë.
  • Kur të vjen nevojtari në derë, po s'pate gjë, jep një gotë ujë.
  • Kush ha vetëm, vdes dhe vetëm.
  • Kush shkon pa thirrë, kthen pa u përcjellë.
  • Kush vete i paftuar, e gjen sofrën pa shtruar.
  • Kush vjen rrallë, ha bakllavanë, kush vjen shpesh ha përsheshë.
  • Le gomari që na ngordhi, po s'na lënë as mizat rehat.
  • Lype se s'ta jep, merre se nuk thotë gjë.
  • Mali me mal s'piqen, po njeriu do piqet.
  • Me çfarë syri do më shofësh, me atë do të shof.
  • Merr belanë e botës e vë në krye të votrës.
  • Miku i afërt nuk ka nder, se vjen përherë.
  • Miku i thirrur, duhet përcjellun.
  • Miku nuk vjen për thelë e lëng, po për fjalë e për kuvënd.
  • Mikut i lëshohet vendi dhe i dëgjohet kuvendi.
  • Mirmëngjes, me interes.
  • Mos qesh në shok, se e gjen në kokë.
  • Mos e lëndo ku i dhemb.
  • Në daltë djalë të na rrojë, në daltë çupë, të të rrojë.
  • Në shtëpinë e të varurit, nuk zihet litari me gojë.
  • Nuk dua mish e kabuni, po dua, ner e sajdi.
  • O bark, o qerrata, këtu gjete, këtu ha.
  • Pa para njeriu ha dhe një thes me kripë.
  • Peshku në det, kripa në tokë, po bashkohen në tigan.
  • Prifti më përpara bekon mjekrën e tij.
  • Pula bëri venë, gjelit i dhemb barku.
  • Pushka e trimit dhe sofra e xhymertit, janë gjithmonë plot.
  • Qenit hidhi një kockë, të pushojë.
  • Rrugën për te miku, mos e lër të zërë bar.
  • Sevapi as shitet, as blihet.
  • Sqepari bishtin e shokut e gdhend, të tijin jo.
  • Ta shef bojën, sa ta ka nevojën.
  • Trimi nderon trimin, i mençmi të mençmin, i ligu të ligun.
  • Unë ha kumbulla, ty të mpihen dhëmbët.
  • Ustai nuk ka shtëpi.
  • Drunë e shtrembër e djeg zjarri.
  • E ke zogun në dorë, mbaje.
  • Fusha ka sy, mali ka veshë.
  • Gishtërinjtë i fut në mjaltë e i lëpin, po nuk i kafshon dot se të dhembin.
  • I marri ç'flet nuk din, i urti ç'din nuk flet.
  • I zoti duhet të ruajë arën e vet.
  • Jo si cjapi te kasapi.
  • Kali nuk mbahet për bishti, po prej freri.
  • Ka thënë Nastradini, edhe në diell merr ombrellë.
  • Kur s'ke mace, bëjnë minjtë dasmë.
  • Kij frikë nga një njeri që frikën ta ka.
  • Kujto qenë e bëj gati shkopin.
  • Kur shkon për udhë merr shkop dhe gurë.
  • Kur t'i hypësh kalit, shifi patkonjtë.
  • Kush vret nuk flet.
  • Me zjarrin dhe ujin nuk bëhet shaka.
  • Mos luaj me gurë po e pate shtëpinë me xhama.
  • Mos shkel në dërrasë të kalbur.
  • Mos shko si breshka te nallbani.
  • Mos shko si cjapi te kasapi.
  • Mos u zër për degësh, po për rrënjësh.
  • Nata është me barrë, s'dihet ç'pjell.
  • Bisha tërbohet keq, kur sheh se po i vjen fundi.
  • Bie një gurë e shkoqet një mur.
  • Buka që thyet s'ngjitet më.
  • Çdo gjë forcohet, në themel.
  • Ç'ka humbe mos e kërko, ç'ke në dorë mos e lësho.
  • Çohet një i marrë e qet një gur në ujë, çohen njëzet të urtë e s'mund ta nxjerrin.
  • Dimrit iu bëj hazër që në behar, e beharit që në dimër.
  • Dita ka sy, nata ka veshë.
  • Duhet me i fry lugës para se me të djeg.
  • Dha pesë e hyri në valle, jep dhjetë e s'del dot.
  • E dardhë është dhe bora, po të thanë duart.
  • Edhe pas luftës armët duhet me i mbajtë.
  • Atje ku fle ujët, atje është më thellë.
  • Nata s'ka shahit.
  • Unë i ha kumbullat, atij i mpihen dhëmbët.
  • Unë baj barrën, ti djersin.
  • Vera sa ma e ëmbël të jetë, ma fort të zenë.
  • Qefi prish qefin.
  • Mos dalë goja para mendjes.
  • Mos i bjer të mirës me shkelm.
  • Mos i hyr valles, kur nuk di ta hedhësh.
  • Mos kërko qiqra të pjekura në hell.
  • Ngopet deti me lumenj?
  • Nuk mba ujë orizi.
  • Një fjalë që e dinë dy veta, e dinë gjithë bota.
  • Pi rakinë e jo mendjen.
  • Lisi nuk pritet me nji të rame.
  • Lulja e këputun nuk mbin më.
  • Fjala dhe plumbi kur dalin s'kthehen më.
  • Gazi i madh kthehet në helm.
  • Dijet e mëdha janë në fjalë të shkurtra.
  • Dardha dhe sëpata e kanë bishtin mbrapa.
  • Kur s'di not mos u fut në ujë.
  • Kush ha shumë i del për hunde.
  • Kush shef ma sëpari barkun, asht i mangët nga trutë.
  • Ç'del nga goja, hyn në vesh e del për hunde.
  • Kur flet shkopi të vret.
  • Kur han bukë misri, kujto bukë thekri.
  • Kashata e madhe të ngec në fyt.
  • Këmba e madhe të shqyen këpucën.
  • Janë të urtë të marrët sa pa thënë fjalët.
  • Gjuha eshtra s'ka, eshtra thyen.
  • Gjuha të lidh, gjuha të zgjidh.
  • Ha të rrosh, jo rro të hash.
  • Gjuha flet e fshihet, shpina pret e rrihet.
  • Dy kunguj nën një sqetull s'mbahen.
  • Mali digjet,plaka krehet.
  • Ti qesh me të tjera, po bota qesh me ty.
  • Trimërinë pas luftës e urtësinë pas kuvendit s'e ha as qeni.
  • Trimi që lëvdohet, nuk të vret.
  • U bë dhija me tremb ujkun.
  • U bo veja me mësue pulën.
  • U hap dheu, doli një plesht.
  • U mbars mali, polli një mi.
  • Unë vij nga më rrahën, ti më tregon shkopinjtë.
  • U rrit kungulli dhe mori dhenë.
  • Zuri qeni një lepur, nuk quhet zagar.
  • Ai që e ka provue din edhe me të mësue.
  • Bëne vath e ve në vesh.
  • Bëj si të thotë më i madhi.
  • Bleta din si bëhet mjaltët.
  • S'di gomari të haj tagji.
  • Dami të bëhet mësim.
  • Kush s'pyet mbetet budalla.
  • Kush u dogj nga qulli, i fryn edhe kosit.
  • Pyetën mushkën, cilin ka baba; "kam dajo kalën" - tha.
  • S'e lenë hunda me pa larg.
  • S'ka lezet në kokën e zgjebur, shamia e mëndafshtë.
  • S'ka të shurdhët, më të shurdhët nga njeriu që s'don dije.
  • Sorra e mbante veten për pallua, po kur pa këmbët e saj qau.
  • S'tunden malet me përralla.
  • Teneqe e prishur, ka zë të gërvishur.
  • Mos u mat me hijen e me njerëzit.
  • Mos u mat me hijen e pasdrekes.
  • Në portën e të shurdhit mos trokit.
  • Nga ferra e vogël del lepuri i madh.
  • Nuk mësohet plaku si do krehur mjekra.
  • Njeriu sido që të bëjë, nuk e kapërcen dot hijen e tij.
  • Pas lufte të gjithë bëhen trima.
  • Këlyshi sado të lehë nuk të kafshon.
  • Kollaj të thuash vreshtë, po duhet rrushi.
  • Kur ngjite përpjetë, shiko dhe tatëpjetë.
  • Kur u ba horri pashë, vrau t'anë.
  • Kush ka matur veten, ka matur gjithë botën.
  • Kush s'kupton, i japin të kuptojë.
  • Lumi i thellë, s'ka ushëtimë.
  • Më parë mëso veten, pastaj të tjerët.
  • Mos i zbulo petët byrekut, se i dalin lakrat.
  • Mos mëso ustanë, po merri zananë.
  • Ai që do të zihet, zihet edhe me macen.
  • Dhisë kur i hanë brirët, gjen shoqe ti përpjekë.
  • Edhe guri pëlcet kur nxehet.
  • E mjel sa e mjel lopën pastaj i bie me këmbë dhe e derdh.
  • Fjal e ëmbël thyhen të fortin.
  • Fjala e mirë në ditë të keqe.
  • Dhembi kafshon shpesh gjuhën, megjithatë ata mbeten miq.
  • Gurit të rrokullisur dhe të dehurit mos i del përpara as mbrapa.
  • Hiq inatin gjej rehatin.
  • I buti thyen të fortin.
  • Kur piqen dy vezë, njëra do thyhet.
  • Kush nuk e urdhëron dot vehten, pajtohet kollaj me të keqen.
  • Kush e qit koburen, se fut pa zbrazur.
  • Lumi i thellë, nuk rrëmben.
  • Me gojë i afron, me gojë i largon shokët.
  • Me njoftë veten asht urti, me qeverisë veten, është trimni.
  • Mëngjesi është më i mençëm se nata.
  • Mos i fryj zjarrit se të djeg.
  • Mos merr si pushka e jevgut.
  • Mos nxirr vrerë prej goje të hidhërohesh, po nxirr sheqer të ëmbëlsohesh.
  • Nga mërzitja e minjve, i vuri zjarrë mullirit.
  • Nuk thyen dhëmbë fjala e mbarë.
  • Për inat të sime vjerre, vete fle me mullixhinë.
  • Për pleshtin djeg jorganin.
  • Rrugë e gjatë pret shkurtër.
  • Sa ti trazosh urët aq më shumë ndizen.
  • Sherri do nge, davaja do para.
  • Shkallët ngjiten shkallë-shkallë.
  • Ti prite të paktën, prite dhe të shumtën.
  • Trim i mirë quhet ai që përcjell zemërimin.
  • Uthulla e fortë plas gurin.
  • Hajde baba të dëftej arrat e malit; Hajde gjyshe të të kallzoj ato të gjyshit.
  • As topi i Ali Pashës s'e tund.
  • Atij që nuk e do, i thuaji: "Të hyftë vetja në qejf".
  • Avash Beg se ka hendek.
  • Ay që ecën me krye përpjetë, bie në gropë.
  • Baste e budalla, motër e vëlla.
  • Breshëri e rreh, e dhija bishtin përpjetë.
  • Daullja bie për ata që kanë veshë.
  • Del çiraku më i mirë se ustai.
  • Dy gjela në një vikt, s'këndojnë.
  • Dhi e krimbur, bishtin përpjetë.
  • Edhe vali je, shiko ku ishe dje.
  • Ena bosh zhurmon më tepër.
  • Është nga ai gur që thyen çekan.
  • Fjala pa punë, si peshku pa lumë.
  • Fjalë pak e punë shumë.
  • Fol me ty, fol me murin.
  • Gjëmon voza që nuk ka verë.
  • Gjithkush leu, mentë e veta pëlqeu.
  • Hiqu det se do shkojë lumi.
  • I gjen mushka drutë.
  • I mbushet mendja, atij që ka mend.
  • Jashtë valles dinë të gjithë të kërcejnë.
  • Paraja nuk i zgjedh njerëzit.
  • Kush fle ngorhtë ka edhe ftohtë.
  • Ku ka zemër ka dhe krahë.
  • Malet tunden, po nuk bien.
  • Me fal gjakun është burrni.
  • Mos kij turp nga kush s'ka turp.
  • Mos prit të të kërkojë e mira, po kërkoje.
  • Mushka do dru, e demi kular.
  • Mos u fshi si miu prapa poçes.
  • Në kudhrën e nxehtë, s'rrihet me çekan druri.
  • Njeriut iu bëj njeri, qenit bëniu qen.
  • Po kërciti dhëmbët qeni i qëndro me shkop në dorë.
  • Po nuk qau fëmija, nuk i jep nëna sisë.
  • Po nise një udhë, do kaptosh dhe sheshe, dhe male, dhe gurë.
  • Po nuk u turbullua, nuk kthjellohet.
  • Kënga për darkë, brenga për drekë.
  • Kush mori udhë, dhe do të lodhet.
  • Kushtrimi del për të ligshtin, pse trimi kujtohet vet.
  • Kush ka turp, vdes për bukë.
  • Më mirë nën hijes ne ferres sime, sesa nën hijen e fikut tonë.
  • Mikun nderoje dhe vëre në qoshe, po zot shtëpie të jesh vetë.
  • Mish të ngordhur edhe egërsira nuk ha.
  • Mjer ai që pret nga tjetri!
  • Mjer puna ime, qe se bani dora ime.
  • Mos shko maz pas pele.
  • Mos shko pas qerres së tjetrit.
  • Mos u ban mjaltë, se të han mizat.
  • Nën hije as bari nuk ngren krye.
  • Nuk rron peshku pa ujë.
  • Një gjë që të merr dora, mos prit të ta japin.
  • Një punë që s'e bën vetë, mos kërko të gjesh të metë.
  • Për çdo punë, puth dorën tënde.
  • Po nuk nderove veten, s'të nderon njeri.
  • Pyet shtatë a tetë, e bëj si di vetë.'
  • Qafa e unjur, koka e prerë.
  • Qëndro shtyllë e mos u bëj urë.
  • Rrushi varet në degët e vet.
  • S'bëhet dasma pa thyer kupa.
  • Gjithsecili në punën e tij është zot.
  • S'mbahet shpirti me falimnders.
  • Syri i të zotit plehron arën.
  • Shqiponja nuk gjuan miza.
  • Më mirë Sokol një herë, se sorrë gjithherë.
  • Mashë e tjetrit mos u bëj.
  • Me dorën e tjetrit, mos vrafsh as gjarprin.
  • Me duart e mija rrafa kokën time.
  • Më e urtë se delja nuk ka, por edhe asaj i ngjiten ferrat pas.
  • Më mirë gomar, po tëndin, se kalë, po të botës.
  • Kush unj qafën i bie zverkut.
  • Ku të ha, kruaje.
  • Leku i huj, peshon rëndë në xhep.
  • Kush mba vesh botën, prish kokën.
  • Kush merr mendjen e botës, i sjell dëm kokës.
  • Çdo shpresë fluturon me krahët e saj.
  • Ç'hall ke, vështroje.
  • Dasëm pa mish nuk ka.
  • Dasma do mish, lufta do gjak.
  • Dele e butë në qafë të ujkut.
  • Dora e huj të krun, po jo ku të kruhet.
  • Ec me këmbë tueja e jo me mend e huaja.
  • E di gjalmi ç'ka torba.
  • E di vetë gomari ku i vret samari.
  • Gunë e huaj s'të mban ngrohtë.
  • Gjithkush teshat i lan në shtëpinë e vet.
  • Hallet e mia i di trari im.
  • Hall me qè e hall me buaj, po më keq me qè të huaj.
  • I zoti ia sheh plagën kalit, nën samar, se qiraxhiu, ngrihet e shkon.
  • Jeton bleta majë malit, jeton dhe miza nën bisht të kalit.
  • Kali i botës s'të nxjerr jashtë portës.
  • Kafshata e huaj të mbet në fyt.
  • Këmba e di se ku e vret këpuca.
  • Kur se mbajnë njëzet e katër tuejt, nuk e mbajnë as katërdhetë e tetë të huejt.
  • Kur m'i punonin arat, u liga dhe u thava, kur i punova vet, u maha dhe u ringjalla.
  • Ai që ndërton me djersë, mbron me gjak.
  • Ai që bahet i butë si dele e hanë ujqtë.
  • As veshi të mos mbajë plur, as këmba të mos durojë gjemb.
  • Bilbili te kafazi s'këndon nga qejfi, po nga marazi.
  • Breshka po ferrën don.
  • Buka e botës s'të ngop.
  • Buka e botës, laku i kokës.
  • Burri nuk shtrihet as për së vdekmi.
  • Çdo mal e din barrën e vet.
  • Vritet faji e jo njeriu.
  • Ariu s'i arrinte dot goricat e thoshte: "Qenkan të pa pjekura".
  • Atij i thonë: "Ja ujku", ay thotë: "Ku është gjurma".
  • Ay që të do, të qorton, ay që nuk të do, të lëvdon.
  • Ç'bluan mendja, zbulon pija.
  • Ç'ka barku, nxjerr bardhaku.
  • Difton fëmija, ç'ka shtëpia.
  • Malin lëvroje për lisin, fushën për misrin.
  • Më parë vra ujkonjën: pastaj mbyt këlyshët.
  • Mos pyet si vdiq, po pyet si rrojti.
  • Nderi vjen e ikën, por turpi vjen e nuk ikën.
  • Në të humbi unaza, gishti ta ka fajin.
  • Ngarkoje tjetrin aq sa mban.
  • Nuk është e drejtë me u ba dikujt nanë e dikujt njerkë.
  • S'hahet në vend të djathit.
  • S'hahen bashkë turp e bukë.
  • Kur qeth, bën qime, kur ha, bën thërrime.
  • Kur të gjen një vdekje, të ngushëllojnë; po kur të gjen turpi, ç'të thonë?
  • Kusari para se të vjedh, bën hazër vendin.
  • Kush ha bukë, bën thërrime.
  • Kush ka ngrënë mjaltin, ka mizën pas veshit.
  • Ka të mençur për të marrë.
  • Hatëri të lë pa brekë.
  • E zuri krimbi peshkun, nuk e zuri grepi.
  • Fajat janë që pjellin ligjin.
  • Faji është jetim, s'i ka dalë zot njeri.
  • Fajin e ka gomari, nuk e ka samari.
  • Fjala e drejtë është e shkurtër, fjala e shtrembër është e gjatë.
  • Gabimi falet njëherë, e jo përherë.
  • Ai që e ka mizën në kapuç, e ka vjedh bletën.
  • Bëni si them unë, e mos bëni si bëj unë.
  • Bie molla që ka krimbin.
  • Buçja po nuk luajti bishtin, nuk i ngjiten qentë prapa.
  • Ban mirë e harro, ban lig e kujto.
  • Bëj nder e gjej qeder.
  • Edhe ëngjëlli, edhe djalli, janë brenda tek i gjalli.
  • Edhe kopësht i mbret të jetë, një gjemb brenda do e ket.
  • E keqja nuk harrohet, e mira po.
  • E mira dhe e keqja nuk kanë fund.
  • E mira nuk ka tavan, e liga s'ka taban.
  • Ha njëzet e nëntë kafshata me gjellë, s'thua gjë, të tridhjetën thatë dhe bën kiametin.
  • I ligu kur të hipën mbi shpinë, nuk din me zbritë kurrë.
  • I ligu të puth e të kafshon.
  • I ligu ngatërron dhe yjet në qiell.
  • I mirë sa më s'ka, kur fle nuk ha.
  • Jo i mirë sa të të lëpijnë, jo i keq sa të të pështyjnë.
  • Kur pi ujë, kujto burimin.
  • Kur s'më bën nder, mos më bëj qeder.
  • Malli i keq shifet në bojë, dhe njeriu i keq shifet në sy.
  • Për çdo punë që bënë, mejto se ke edhe vdekje.
  • Pyka e vet e shkyn lisin.
  • Pyll pa derra s'ka.
  • Qen i bardhë, qen i zi, qen i kuq, qen murrash, qen balash, qen është...
  • Qeni kur kërkon të hajë të zonë, vritet.
  • Qepa, qoftë e re, qoftë e vjetër, po era qepë vjen.
  • Qeni edhe me sapun të lahet, era qen do të vijë.
  • Rrit këlyshët të të hanë kokën.
  • Rrufeja nuk bie në hale.
  • Sëpatës bish mos iu ban.
  • Ska din zemra, atje shkon mendja.
  • Të mirën në e hedh prapa, e gjen përpara.
  • Atë që merr me një dorë, kthehe me të dyja.
  • Vëthët i nxorra po vërët i kam.
  • Ai që lakmon më shumë, është gjithmonë i varfër.
  • Ç'bëhet rrallë, bëhet për mall.
  • Më mirë një bole sot se dy bole nesër.
  • U habit pas lëngut, harroi thelat.
  • Vajtëm për lesh e dualëm të qethur.
  • Shumë lule dalin në prill, por pakë rrojnë.
  • Të bënin mizat mjaltë, do t'i kishim qypat plot.
  • Po pate dhen gjen edhe bari.
  • Prishja e shtëpisë vjen nga mend.
  • Kam inat po nuk kam takat.
  • Sa të mbledhësh ti rrusht, tjetri ka ngrënë një kosh.
  • S'mbartet ujë me shportë.
  • Si është vendi bëhet kuvendi.
  • S'jepet një pelë për një thelë.
  • Me një gur, ti vrave dy zogj.
  • Më bli nji kalë e nji shalë o baba, se kam gjet një patkua.
  • Mos bëj petulla me ujë.
  • Mos e humb si Xhaferri simiten.
  • Mos fol si e ëma e zeqos në majë të thanës.
  • Mos hidh të thatën mbi të njomë.
  • Mos prish sixhaden të arnosh xhyben.
  • Mos shit qen të blesh këlyshë.
  • Mos kërko gjilpërën në kasollen e kashtës.
  • Mos u mbyt me një pikë ujë.
  • Ndoqe fillin gjete lëmshin.
  • Në luftë duhen shtatë hile një trimëri.
  • Nga dy të vështira, më e lehta, më e mira.
  • Nuk sheh syri po sheh mendja.
  • Nuk të ngroh zjarri i kashtës.
  • Nuk të thonë: "Qysh ke qenë, po qysh je".
  • O djalë në vend të huaj, si të bjerë daullja luaj.
  • Oxhaku le të jetë i shtrembër, tymi të shkojë përpjetë.
  • Peshku në det, kusija në zjarr.
  • Lepuri në mal, kusia në zjarr.
  • Mate punën jo me atë që mbjell, po me atë që korr.
  • Hesapi nuk bëhet pa hanxhinë.
  • Gjej vendin e bëj kuvendin.
  • Gjuha dredhon se mendja e mëson.
  • Hekuri rrihet sa është i nxehtë.
  • Humbi sëpatën, i rruat bishti.
  • Kali i mirë shton torbën e tij.
  • Kalit të mirë shtoi tagjinë.
  • Koha vjen për atë që di ta presë.
  • Ku qe, asgjëkundi, çfarë bëre, asgjë.
  • Burimi i mirë duket në thatësirë.
  • Ç'i do qeni brekët.
  • Ç'ke moj zemër që rënkon; koka bën, koka pëson.
  • Çobani i mirë e njeh bagëtinë me blegërimë.
  • Deshi të vej vetullat, nxorri sytë.
  • Deti ka ujë boll, po me u pi s'pihet.
  • Edhe kau ka gjuhë të mëdha, por nuk flet dot.
  • Shkolla e krijon përvojën, përvoja shkollën kurrë.
  • Dita me diell duket që në mëngjes.
  • Djathin, mirë që e hëngri miu, po shëllirën kush e piu.
  • Duhet ndarë kashta nga kokrrat.
  • Dy shaka bëjnë një të vërtetë.
  • Foli derës të dëgjojë dritarja.
  • Foli plakës të dëgjojë nusja.
  • Fshati që duket s'do kallauz.
  • Gënjeshtra është një plagë, dhe në u shëroftë të le nishan.
  • Gënjeshtra nuk ka as dorë, as këmbë, as bisht, as rrënjë.
  • Gjarpëri ecën dhe fshin gjurmët me bisht.
  • Gjuha e ka rrënjën në zemër.
  • Po nuk e njohe hidhërimin, nuk do të kuptosh dhe gëzimin.
  • Hileqari nuk të shef në sy, po shef në tokë.
  • Ka, që dhe gomarin mashkull e bëjnë me barrë.
  • Kritika është ilaç i hidhur, po ilaç ama.
  • Kur dhelpra nuk arriti rrushtë, tha se janë të thartë.
  • Kur fjala del nga zemra, godet në zemër.
  • Malli i prishur nuk shitet pa gënjyer.
  • Me pasë bishtin ta presin, me mos e pasë ta njesin.
  • Më mirë me të hidhurat më përpara e të ëmbëlat pas.
  • Mos e ban penin tra.
  • Me sa ka peshk pa halë, aq ka dhe të bukur pa fjalë.
  • Nuk do as mend as kalem, shif e shkruaj.
  • Nuk i gjenden gjarpërit këmbët.
  • Nuk luan ferra kot.
  • Nuk mbulohet dielli me shoshë.
  • Nuk qaj se s'dua burrën, po bëj zakone.
  • Po të lavi, të levi dhe bishtin t'a krevi, hap sytë se të gënjevi.
  • Qeni tund bishtin për të mbajtur miqësinë.
  • Rena a nana e tana të këqijave.
  • S'dalin dyzet ujqër nga një drizë.
  • S'i bën mjekra priftërinjtë.
  • Siç na dinë, qofshim, siç jemi, mos qofshim.
  • S'mbushet thesi me gënjeshtra.
  • Ti kemi sahanët pa kapakë.
  • Ustai, ustanë e njef në z zanat.
  • Atij i plasin sytë, e tjetri e pyet për vetullat.
  • Burrë e grua si mish e thua
  • Dëgjo shtatë a tetë dhe përseri bëj si di vetë
  • Fashati që duket, s'do kallauz
  • Fjalët jane gra, veprat burra
  • I duruari, i fituari
  • I zoti e nxjerr gomarin nga balta.
  • Kush s'ka kokë, ka këmbë !
  • Mos i shiko gunën por shikoji punën
  • Punën e sotme, mos e lër për nesër
  • Qengji mir thith dy nëna
  • Rigoni s'bëhet lis.
  • Sa të rrosh, do mësosh
  • Shtriji këmbët sa ke jorganin
  • Ujku qimen e ndërron por zakonin s'e harron!
  • Atdheu është në rrezik atëherë kur njerëzit e padijshëm fillojnë të mendojnë se janë të dijshëm. Rrustem Haradinaj/Prishtinë
  • Ara ime varri im. LABËRI
  • Ardhin galat dhe prishën folenë e bilbilit. KORÇË

Atdheu është dhe. Kur ti shikon dike edhe ata të shikojnë ty* Valdrin Moorina

  • Atdheu e nana nuk harrohen. TROPOJË
  • Atdheu mbi të gjitha. VLORË
  • Ai që lë arën e vetë, nget arën e huaj. KORÇË
  • Balta më e ëmbël se mjalta. GJIROKASTËR
  • Bijë vendi pikë argjendi. BERAT
  • Bukë e hi në shtëpi. PËRMET
  • Çdo hi në vatrën e tij. JUG
  • Çdo komb t'i vërë vetes një vlere, atë i venë dhe të huajt. JUG
  • Çdo zog kërkon folenë e tij. JUG
  • Dardha bie nën dardhë. VLORË
  • Derë e botës s'është strehë e kokës. JUG
  • Duaje atdhenë si shqiponja folenë. JUG
  • Duaj at e duaj nënë, por më shumë duaj atdhenë. KOR
  • Dy duar për një kokë, koka për atdhenë. KOR
  • Dheu zhuritet por bari mbin përsëri. JUG
  • Qeni leh tek stani i tij. GJIROKASTER
  • Fjala në vend të huej, bahet gur. VERI
  • Guri i rëndë në vend të vet. PËRMET
  • Gjeli në pleh të tij këndon më mirë. KORÇË
  • Gjeli mbret mbi pleh të vet .JUG
  • Gjuha dhe njerëzit janë tapia e vendit. JUG
  • Gjuha bashkon kombin. JUG
  • Gjuha ruhet atje ku shkruhet. KORÇË
  • I ikuri dhe i vdekuri s'kanë hatër. JUG
  • Kur të jesh në dhe të huaj, dita të bëhet një muaj. KOSOVË
  • Kush ka vdekë për atdhe, nuk ka vdekë por ka le. SHKODËR
  • Mace e botës vjen në shtëpi, për të përmbysur tenxheret. KORÇË
  • Mbrohe atdhenë si shqiponja folenë. SHKODËR
  • Një nënë nuk na ka bërë, po një vend kemi të tërë. BERAT
  • Nji zogu që i prishet foleja hidhet degë më degë. MAT
  • O shtëpi, o bukë e hi, nuk gjendet varri si ti. ÇAMËRI
  • Qeni te shpia e vet gjithmonë asht trim. VERI
  • Shqiponja fluturon në qiell, po folenë e bën në tokë. LABËRI
  • Arnaut, he arnaut, në vend të bukës po blen barut. KOSOVË
  • Besë e shqiptarit si purteka e arit. JUG
  • Dy milion kur hanë bukë, dyqind milion kur bëjmë pushkë. JUG
  • Gjakut të derdhur të shqiptarit i bie dielli e nuk e than, i bie shiu dhe nuk e lan. VERI
  • Supet e maleve dhe supet e shqiptarit nuk janë kërrusur kurrë. JUG
  • Shqipëria është e vogël, po shqiptarët janë shpirtmëdhenj. JUG
  • Shqiptari kryet e pren dhe besën s'e then. KOSOVË
  • Shqiptari kur jep fjalën, ther djalën. VLORË
  • Shqiptari me armë e shokë, s'i lutet kurkujt mbi tokë. KOSOVË
  • Shqiptari për mik asht tret e asht fik. KOSOVË
  • Shqiptari s'ha pulë të ngordhur. JUG
  • Shqiptari s'lë hak pa marrë e borxh pa larë. VLORË
  • Shqiptari shqiptarit nuk ka k'i mburret për trimëri. SKRAPAR
  • Shqiptarit e ne nga varri me i shku, me e pasë frikë. TIRANË
  • Shqiptari vetin e jep e shokun s'e jep. KOSOVË
  • Shqiptari vritet por pushkën nuk e hedh. JUG
  • Shqiptari s'e han trupin me bukë. VLORË
  • Toskë e gegë, pemë nga një degë. GJIROKASTËR
  • Kush rren shtetin, rren vetin. TROPOJË
  • Jeta gjithmon te jep nje mudesi te dyte ajo eshte e nesra.KOSOVË
  • Shkolla e krijon përvojën, përvoja shkollën kurrë. Rr. Haradinaj/Prishtinë
  • Dita me diell duket që në mëngjes. MYZEQE
  • Djathin, mirë që e hëngri miu, po shëllirën kush e piu. ELBASAN
  • Duhet ndarë kashta nga kokrrat. VLORË
  • Dy shaka bëjnë një të vërtetë.
  • Foli derës të dëgjojë dritarja. VLORË
  • Foli plakës të dëgjojë nusja. JUG
  • Fshati që duket s'do kallauz. KORÇË
  • Gënjeshtra është një plagë, dhe në u shëroftë të le nishan. JUG

LGënjeshtra nuk ka as dorë, as këmbë, as bisht, as rrënjë. BERAT

  • Gjarpëri ecën dhe fshin gjurmët me bisht. KORÇË
  • Gjuha e ka rrënjën në zemër. VERI
  • Po nuk e njohe hidhërimin, nuk do të kuptosh dhe gëzimin. VERI
  • Hileqari nuk të shef në sy, po shef në tokë. DIBËR
  • Ka, që dhe gomarin mashkull e bëjnë me barrë. JUG
  • Kritika është ilaç i hidhur, po ilaç ama. VLORË
  • Kur dhelpra nuk arriti rrushtë, tha se janë të thartë. JUG
  • Kur fjala del nga zemra, godet në zemër. BERAT
  • Malli i prishur nuk shitet pa gënjyer. VLORË
  • Me pasë bishtin ta presin, me mos e pasë ta njesin. SHKODËR
  • Më mirë me të hidhurat më përpara e të ëmbëlat pas. PATOS
  • Mos e ban penin tra. DIBËR
  • Me sa ka peshk pa halë, aq ka dhe të bukur pa fjalë. KRUJË
  • Nuk do as mend as kalem, shif e shkruaj. ELBASAN
  • Nuk i gjenden gjarpërit këmbët. JUG
  • Nuk luan ferra kot. VLORË
  • Nuk mbulohet dielli me shoshë. JUG
  • Nuk qaj se s'dua burrën, po bëj zakone. VLORË
  • Po të lavi, të levi dhe bishtin t'a krevi, hap sytë se të gënjevi. KORÇË
  • Qeni tund bishtin për të mbajtur miqësinë. KORÇË
  • Rena a nana e tana të këqijave. KAVAJË
  • S'dalin dyzet ujqër nga një drizë. JUG
  • S'i bën mjekra priftërinjtë. JUG
  • Siç na dinë, qofshim, siç jemi, mos qofshim. KORÇË
  • S'mbushet thesi me gënjeshtra. GJIROKASTËR
  • Shakaja është gjysma e të vërtetës. JUG
  • Ti kemi sahanët pa kapakë. JUG
  • Ustai, ustanë e njef në zanat. GJIROKASTËR
  • Atij i plasin sytë, e tjetri e pyet për vetullat. SARANDË
  • Barku i gjerë, truri i ngushtë. ELBASAN
  • Budallai shkon tek e ngasin. ELBASAN
  • Burimi i mirë duket në thatësirë. KRUJË
  • Ç'i do qeni brekët. KORÇË
  • Ç'ke moj zemër që rënkon; koka bën, koka pëson. PËRMET
  • Çobani i mirë e njeh bagëtinë me blegërimë. JUG
  • Deshi të vej vetullat, nxorri sytë. JUG
  • Deti ka ujë boll, po me u pi s'pihet. KOSOVË
  • Edhe kau ka gjuhë të mëdha, por nuk flet dot. JUG
  • E mirë edhe fuqia, por ca më mirë urtija. JUG
  • Hesapi nuk bëhet pa hanxhinë. KORÇË
  • Gjej vendin e bëj kuvendin. ELBASAN
  • Gjuha dredhon se mendja e mëson. GJIROKASTËR
  • Hekuri rrihet sa është i nxehtë. BERAT
  • Humbi sëpatën, i rruat bishti. JUG
  • Kali i mirë shton torbën e tij. JUG
  • Kalit të mirë shtoi tagjinë. SHKODËR
  • Koha vjen për atë që di ta presë. VLORË
  • Ku qe, asgjëkundi, çfarë bëre, asgjë. JUG
  • Kur del dielli, të gjithë e dinë nga bie lindja. JUG
  • Kur gabon i mençuri çuditet budallai. MYZEQE
  • Lepuri në mal, kusia në zjarr. JUG
  • Mate punën jo me atë që mbjell, po me atë që korr. GJIROKASTËR
  • Ma mirë të kesh mend se pare. KOSOVË
  • Mendja është në majë të gjuhës. SHKODËR
  • Mendja e lehtë rëndon të zonë. KRUJË
  • Me një gur, ti vrave dy zogj. KUÇ-VLORË
  • Më bli nji kalë e nji shalë o baba, se kam gjet një patkua. TIRANË
  • Mos bëj petulla me ujë. DIBËR
  • Mos e humb si Xhaferri simiten. ELBASAN
  • Mos fol si e ëma e zeqos në majë të thanës. KORÇË
  • Mos hidh të thatën mbi të njomë. VLORË
  • Mos prish sixhaden të arnosh xhyben. LUNXHËRI
  • Mos shit qen të blesh këlyshë. KORÇË
  • Mos kërko gjilpërën në kasollen e kashtës. POGRADEC
  • Mos u mbyt me një pikë ujë. PËRMET
  • Ndoqe fillin gjete lëmshin. JUG
  • Në luftë duhen shtatë hile një trimëri. SKRAPAR
  • Nga dy të vështira, më e lehta, më e mira. JUG
  • Nuk sheh syri po sheh mendja. JUG
  • Nuk të ngroh zjarri i kashtës. SKRAPAR
  • Nuk të thonë: "Qysh ke qenë, po qysh je". VLORË
  • O djalë në vend të huaj, si të bjerë daullja luaj. KURVELESH
  • Oxhaku le të jetë i shtrembër, tymi të shkojë përpjetë. JUG
  • Peshku në det, kusija në zjarr. JUG
  • Për gjithë vend ka pleq me mend. VLORË
  • Po të mos kishte budallenj, me kë do qeshnim. DARDHË
  • Po pate dhen gjen edhe bari. LIBRAZHD
  • Prishja e shtëpisë vjen nga mend. ELBASAN
  • Kam inat po nuk kam takat. BERAT
  • Sa të mbledhësh ti rrusht, tjetri ka ngrënë një kosh. KORÇË
  • S'mbartet ujë me shportë. SHKODËR
  • Si është vendi bëhet kuvendi. VERI
  • S'jepet një pelë për një thelë. JUG
  • S'ka varfëri i mençuri. JUG
  • Shtatin pyll e mendjen fyll. SHIJAK
  • Shumë lule dalin në prill, por pakë rrojnë. JUG
  • Të bënin mizat mjaltë, do t'i kishim qypat plot. KORÇË
  • Thesi i zbrazët s'qëndron në këmbë. KRUJË
  • U habit pas lëngut, harroi thelat. JUG
  • Vajtëm për lesh e dualëm të qethur. KORÇË
  • Vetëm budallai është i kënaqur gjithmonë nga vetja. JUG
  • Vëthët i nxorra po vërët i kam. JUG
  • Ai që lakmon më shumë, është gjithmonë i varfër. JUG
  • Ç'bëhet rrallë, bëhet për mall. JUG
  • Më mirë një bole sot se dy bole nesër. KAVAJË
  • Ai që do të zihet, zihet edhe me macen. DARDHË
  • Duro sa mund, gëzohu pa fund. VERI
  • Dhe durimi ka kufi. JUG
  • Dhisë kur i hanë brirët, gjen shoqe ti përpjekë. DEVOLL
  • Edhe guri pëlcet kur nxehet. KRUJË
  • E mjel sa e mjel lopën pastaj i bie me këmbë dhe e derdh. KORÇË
  • Fjal e ëmbël thyhen të fortin. SHKODËR
  • Fjala e mirë në ditë të keqe. KRUJË
  • Dhembi kafshon shpesh gjuhën, megjithatë ata mbeten miq. JUG
  • Gurit të rrokullisur dhe të dehurit mos i del përpara as mbrapa.LUNXHERI
  • Hiq inatin gjej rehatin. KRUJË
  • I buti thyen të fortin. SHKODËR
  • Kur piqen dy vezë, njëra do thyhet. VLORË
  • Kush nuk e urdhëron dot vehten, pajtohet kollaj me të keqen. VLORË
  • Kush e qit koburen, se fut pa zbrazur. VLORË
  • Lumi i thellë, nuk rrëmben. JUG
  • Me gojë i afron, me gojë i largon shokët. KOSOVË
  • Me njoftë veten asht urti, me qeverisë veten, është trimni. MILOT
  • Mëngjesi është më i mençëm se nata. TIRANË
  • Mos i fryj zjarrit se të djeg. JUG
  • Mos merr si pushka e jevgut. TIRANË
  • Mos nxirr vrerë prej goje të hidhërohesh, po nxirr sheqer të ëmbëlsohesh. PËRMET
  • Nga mërzitja e minjve, i vuri zjarrë mullirit. JUG
  • Nuk thyen dhëmbë fjala e mbarë. JUG
  • Për inat të sime vjerre, vete fle me mullixhinë. PËRMET
  • Për pleshtin djeg jorganin. JUG
  • Rrugë e gjatë pret shkurtër. MYZEQE
  • Sa ti trazosh urët aq më shumë ndizen. JUG
  • Sherri do nge, davaja do para. SKRAPAR
  • Shkallët ngjiten shkallë-shkallë. JUG
  • Ti prite të paktën, prite dhe të shumtën. SKRAPAR
  • Trim i mirë quhet ai që përcjell zemërimin. KRUJË
  • Uthulla e fortë plas gurin. TIRANË
  • Hajde baba të dëftej arrat e malit; Hajde gjyshe të të kallzoj ato të gjyshit. ELBASAN
  • As topi i Ali Pashës s'e tund. ELBASAN
  • Atij që nuk e do, i thuaji: "Të hyftë vetja në qejf". SHKODËR
  • Avash Beg se ka hendek. BERAT
  • Ay që ecën me krye përpjetë, bie në gropë. JUG
  • Baste e budalla, motër e vëlla. JUG
  • Breshëri e rreh, e dhija bishtin përpjetë. GJIROKASTËR
  • Daullja bie për ata që kanë veshë. PËRMET
  • Del çiraku më i mirë se ustai. JUG
  • Dy gjela në një vikt, s'këndojnë. JUG
  • Dhi e krimbur, bishtin përpjetë. BERAT
  • Edhe vali je, shiko ku ishe dje. LUKOVË
  • Ena bosh zhurmon më tepër. KRUJË
  • Është nga ai gur që thyen çekan. JUG
  • Fjala pa punë, si peshku pa lumë. GJIROKASTËR
  • Fjalë pak e punë shumë. LIBRAZHD
  • Fol me ty, fol me murin. KAVAJË
  • Gjëmon voza që nuk ka verë. JUG
  • Gjithkush leu, mentë e veta pëlqeu. ELBASAN
  • Hiqu det se do shkojë lumi. JUG
  • I gjen mushka drutë. JUG
  • I mbushet mendja, atij që ka mend. SKRAPAR
  • Jashtë valles dinë të gjithë të kërcejnë. SKRAPAR
  • Kalliri me bukë, s'e ngren kryet përpjetë. JUG
  • Këlyshi sado të lehë nuk të kafshon. KORÇË
  • Kollaj të thuash vreshtë, po duhet rrushi. DUKAT
  • Kur ngjite përpjetë, shiko dhe tatëpjetë. JUG
  • Kur u ba horri pashë, vrau t'anë. KAVAJË
  • Kush ka matur veten, ka matur gjithë botën. JUG
  • Kush s'kupton, i japin të kuptojë. JUG
  • Lumi i thellë, s'ka ushëtimë. JUG
  • Marrija ma e madhe asht me kujtue vedin të mençëm. SHKODËR
  • Mendjemadhi niset me kalë, kthehet me këmbë. KORÇË
  • Më parë mëso veten, pastaj të tjerët. JUG
  • Mos i zbulo petët byrekut, se i dalin lakrat. BERAT
  • Mos mëso ustanë, po merri zananë. PËRMET
  • Mos u kapardis si gjeli në plehra. SHIJAK
  • Mos u mat me hijen e me njerëzit. JUG
  • Mos u mat me hijen e pasdrekes. VLORË
  • Në portën e të shurdhit mos trokit. KORÇË
  • Nga ferra e vogël del lepuri i madh. JUG
  • Nuk mësohet plaku si do krehur mjekra. JUG
  • Njeriu sido që të bëjë, nuk e kapërcen dot hijen e tij. KORÇË
  • Pas lufte të gjithë bëhen trima. TIRANË
  • Pula bën venë e kakaris sa zgjuan mëhallë, pela bën mushkën dhe nuk ndihet fare. VLORË
  • Pyetën mushkën, cilin ka baba; "kam dajo kalën" - tha. JUG
  • S'e lenë hunda me pa larg. KRUJË
  • S'ka lezet në kokën e zgjebur, shamia e mëndafshtë. KORÇË
  • S'ka të shurdhët, më të shurdhët nga njeriu që s'don dije. JUG
  • Sorra e mbante veten për pallua, po kur pa këmbët e saj qau. VLORË
  • S'tunden malet me përralla. JUG
  • Teneqe e prishur, ka zë të gërvishur. VLORË
  • Ti mbaje veten ulët, pa të ngrenë të tjerët. LABËRI
  • Ti qesh me të tjera, po bota qesh me ty. KURVELESH
  • Trimërinë pas luftës e urtësinë pas kuvendit s'e ha as qeni. SKRAPAR
  • Trimi që lëvdohet, nuk të vret. KOSOVË
  • U bë dhija me tremb ujkun. VLORË
  • U bo veja me mësue pulën. KAVAJË
  • U hap dheu, doli një plesht. JUG
  • U mbars mali, polli një mi. JUG
  • Unë vij nga më rrahën, ti më tregon shkopinjtë. VLORË
  • U rrit kungulli dhe mori dhenë. SKRAPAR
  • Zuri qeni një lepur, nuk quhet zagar. JUG
  • Ai që e ka provue din edhe me të mësue. KOSOVË
  • Bëne vath e ve në vesh. SHKODËR
  • Bëj si të thotë më i madhi. JUG
  • Bleta din si bëhet mjaltët. JUG
  • S'di gomari të haj tagji. PËRMET
  • Dami të bëhet mësim. DIBËR
  • Kush s'pyet mbetet budalla. JUG
  • Kush u dogj nga qulli, i fryn edhe kosit. JUG
  • Njeriu pa shkollë, asht si pemë e egër. VERI
  • Atë që merr me një dorë, kthehe me të dyja. VLORË
  • Ban mirë e harro, ban lig e kujto. VERI
  • Bëj nder e gjej qeder. MYZEQE
  • Edhe ëngjëlli, edhe djalli, janë brenda tek i gjalli. KRUJË
  • Edhe kopësht i mbret të jetë, një gjemb brenda do e ket. JUG
  • E keqja nuk harrohet, e mira po. KOSOVË
  • E mira dhe e keqja nuk kanë fund. JUG
  • E mira nuk ka tavan, e liga s'ka taban. KOSOVË
  • Ha njëzet e nëntë kafshita me gjellë, s'thua gjë, të tridhjetën thatë dhe bën kiametin. BERAT
  • I ligu kur të hipën mbi shpinë, nuk din me zbritë kurrë. TROPOJË
  • I ligu të puth e të kafshon. JUG*I ligu ngatërron dhe yjet në qiell. JUG
  • I mirë sa më s'ka, kur fle nuk ha. JUG
  • Jo i mirë sa të të lëpijnë, jo i keq sa të të pështyjnë. JUG
  • Kur pi ujë, kujto burimin. VLORË
  • Kur s'më bën nder, mos më bëj qeder. BERAT
  • Malli i keq shifet në bojë, dhe njeriu i keq shifet në sy. SHKODËR
  • Për çdo punë që bënë, mejto se ke edhe vdekje. SKRAPAR
  • Pyka e vet e shkyn lisin. KOSOVË
  • Pyll pa derra s'ka. ELBASAN
  • Qen i bardhë, qen i zi, qen i kuq, qen murrash, qen balash, qen është … JUG
  • Qeni kur kërkon të hajë të zonë, vritet. JUG
  • Qepa, qoftë e re, qoftë e vjetër, po era qepë vjen. JUG
  • Qeni edhe me sapun të lahet, era qen do të vijë. VLORË
  • Rrit këlyshët të të hanë kokën. DEVOLL
  • Rrufeja nuk bie në hale. TIRANË
  • Sëpatës bish mos iu ban. DIBËR
  • Ska din zemra, atje shkon mendja. SHKODËR
  • Të mirën në e hedh prapa, e gjen përpara. SULOVË
  • Ai që e ka trupin e drejtë, nuk ka frikë se i del hija e shtrembër. JUG
  • Ai që e ka mizën në kapuç, e ka vjedh bletën. KOSOVË
  • Bëni si them unë, e mos bëni si bëj unë. KORÇË
  • Bie molla që ka krimbin. JUG
  • Buçja po nuk luajti bishtin, nuk i ngjiten qentë prapa. ELBASAN
  • Çika pa nder, si lulja pa erë. KOSOVË
  • E drejta pa forcë, s'të pi ujë. JUG
  • E zuri krimbi peshkun, nuk e zuri grepi. JUG
  • Fajat janë që pjellin ligjin. JUG
  • Faji është jetim, s'i ka dalë zot njeri. ELBASAN
  • Fajin e ka gomari, nuk e ka samari. JUG
  • Fjala e drejtë është e shkurtër, fjala e shtrembër është e gjatë. TETOVË
  • Gabimi falet njëherë, e jo përherë. KOSOVË
  • Gjithkush ka dy kandarë, një për vete, një për të tjerët. JUG
  • Hatëri të lë pa brekë. BERAT
  • Hesapi i qëruar, të nxjerr të nderuar. JUG
  • Ka të mençur për të marrë. MALLAKASTËR
  • Koka e falur s'pritet. JUG
  • Kur falet e liga, dënohet e mira. JUG
  • Kur ke të drejtë, lëviz dhe malet. JUG
  • Kur qeth, bën qime, kur ha, bën thërrime. DEVOLL
  • Kur të gjen një vdekje, të ngushëllojnë; po kur të gjen turpi, ç'të thonë? KORÇË
  • Kusari para se të vjedh, bën hazër vendin. KURVELESH
  • Kush ha bukë, bën thërrime. JUG
  • Kush ka ngrënë mjaltin, ka mizën pas veshit. ELBASAN
  • Kyçi vihet për të ndershmin, pa rezili shpon murin. JUG
  • Malin lëvroje për lisin, fushën për misrin. GJIROKASTËR
  • Më parë vra ujkonjën: pastaj mbyt këlyshët. JUG
  • Mos pyet si vdiq, po pyet si rrojti. JUG
  • Nderi vjen e ikën, por turpi vjen e nuk ikën. VLORË
  • Në të humbi unaza, gishti ta ka fajin. KORÇË
  • Ngarkoje tjetrin aq sa mban. GRAMSH
  • Nuk është e drejtë me u ba dikujt nanë e dikujt njerkë. TETOVË
  • S'hahet në vend të djathit. KORÇË
  • S'hahen bashkë turp e bukë. JUG
  • Zoti vonon, po nuk harron. PËRMET
  • Vritet faji e jo njeriu. VLORË
  • Ariu s'i arrinte dot goricat e thoshte: "Qenkan të pa pjekura". BERAT
  • Atij i thonë: "Ja ujku", ay thotë: "Ku është gjurma". JUG
  • Ay që të do, të qorton, ay që nuk të do, të lëvdon. BERAT
  • Ç'bluan mendja, zbulon pija. BERAT
  • Ç'ka barku, nxjerr bardhaku. JUG
  • Difton fëmija, ç'ka shtëpia. VERI
  • Dinaku hyn në pus e del pa lagur. TIRANË
  • Dinaku të çon në dyzet çezma e s'të jep ujë. PËRMET
  • Ai që ndërton me djersë, mbron me gjak. BERAT
  • Ai që bahet i butë si dele e hanë ujqtë. KOSOVË
  • As veshi të mos mbajë plur, as këmba të mos durojë gjemb. JUG
  • Bilbili te kafazi s'këndon nga qejfi, po nga marazi. SHKODËR
  • Breshka po ferrën don. KAVAJË
  • Buka e botës s'të ngop. KORÇË
  • Buka e botës, laku i kokës. SARANDË
  • Burri nuk shtrihet as për së vdekmi. MIRDITË
  • Çdo mal e din barrën e vet. PRIZREN
  • Çdo njeri është mbret në shtëpinë e tij. JUG
  • Çdo shpresë fluturon me krahët e saj. JUG
  • Ç'hall ke, vështroje. VERI
  • Dasëm pa mish nuk ka. KORÇË
  • Dasma do mish, lufta do gjak. ELBASAN
  • Dele e butë në qafë të ujkut. JUG
  • Dora e huj të krun, po jo ku të kruhet. KOSOVË
  • Ec me këmbë tueja e jo me mend e huaja. SHKODËR
  • E di gjalmi ç'ka torba. PËRMET
  • E di vetë gomari ku i vret samari. JUG
  • Gunë e huaj s'të mban ngrohtë. KOLONJË
  • Gjithkush teshat i lan në shtëpinë e vet. VERI
  • Hallet e mia i di trari im. ELBASAN
  • Hall me qè e hall me buaj, po më keq me qè të huaj. MYZEQE
  • I zoti ia sheh plagën kalit, nën samar, se qiraxhiu, ngrihet e shkon. KORÇË
  • Jeton bleta majë malit, jeton dhe miza nën bisht të kalit. KORÇË
  • Kali i botës s'të nxjerr jashtë portës. SARANDË
  • Kafshata e huaj të mbet në fyt. SHKODËR
  • Këmba e di se ku e vret këpuca. LUKOVË- SARANDË
  • Kur se mbajnë njëzet e katër tuejt, nuk e mbajnë as katërdhetë e tetë të huejt. SHKODËR
  • Kur m'i punonin arat, u liga dhe u thava, kur i punova vet, u maha dhe u ringjalla JUG
  • Kur s'ka trimni, s'ka liri. KOSOVË
  • Kush mba vesh botën, prish kokën. GJIROKASTËR
  • Kush merr mendjen e botës, i sjell dëm kokës PËRMET
  • Kush s'lufton për liri, robërinë e ka në shpi. KOSOVË
  • Kush unj qafën i bie zverkut. JUG
  • Ku të ha, kruaje. GJIROKASTËR
  • Leku i huj, peshon rëndë në xhep. PUKË
  • Liria fitohet e nuk dhurohet. JUG
  • Liria fitohet vetëm me gjak. KOSOVË
  • Liria i ka rrënjët në gjak. JUG
  • Liria nuk blehet me para e me tokë, po fitohet me gjak e me kokë. KOSOVË
  • Liria vjen kur s'i duhesh vdekjes. BERAT
  • Më mirë një ditë në liri, se njëqind vjet në robni. KRUJË
  • Më mirë i lig e i lirë, sesa shëndoshë e me zinxhirë. KRUJË
  • Më mirë nën hijes ne ferres sime, sesa nën hijen e fikut tonë. KOSOVË
  • Më mirë një ditë gjel, sesa tre ditë pulë. ELBASAN
  • Më mirë Sokol një herë, se sorrë gjithherë. SHKODËR
  • Mashë e tjetrit mos u bëj. JUG
  • Me dorën e tjetrit, mos vrafsh as gjarprin. SHIJAK
  • Me duart e mija rrafa kokën time. MYZEQE
  • Më e urtë se delja nuk ka, por edhe asaj i ngjiten ferrat pas. BERAT
  • Më mirë gomar, po tëndin, se kalë, po të botës. LUKOVË
  • Më mirë nën dhè i mbuluar, se mbi dhè i gjynjëzuar. SKRAPAR
  • Më mirë të vdesësh duke luftuar, sesa të rrosh i gjynjëzuar. SKRAPAR
  • Më mirë të vdesësh në këmbë, sesa të jetosh në gjunjë BERAT
  • Më mirë zog e në liri, sesa bilbil e në kulvi. KURVELESH
  • Mikun nderoje dhe vëre në qoshe, po ozt shtëpie të jesh vetë. JUG
  • Mish të ngordhur edhe egërsira nuk ha. SKRAPAR
  • Mjer ai që pret nga tjetri! JUG
  • Mjer puna ime, qe se bani dora ime. KAVAJË
  • Mos shko maz pas pele. KOSOVË
  • Mos shko pas qerres së tjetrit. SKRAPAR
  • Mos u ban mjaltë, se të han mizat. SHKODËR
  • Nën hije as bari nuk ngren krye. JUG
  • Nuk rron peshku pa ujë. KOSOVË
  • Një gjë që të merr dora, mos prit të ta japin. JUG
  • Një punë që s'e bën vetë, mos kërko të gjesh të metë. TIRANË
  • Për çdo punë, puth dorën tënde. ELBASAN
  • Po nuk nderove veten, s'të nderon njeri. VLORË
  • Pyet shtatë a tetë, e bëj si di vetë. VLORË
  • Qafa e unjur, koka e prerë. LUKOVË
  • Qëndro shtyllë e mos u bëj urë. KRUJË
  • Rrushi varet në degët e vet. LUSHNJE
  • S'bëhet dasma pa thyer kupa. ARBËRESHËT E ITALISË
  • Gjithsecili në punën e tij është zot. JUG
  • S'mbahet shpirti me falimnders. VERI
  • Syri i të zotit plehron arën. JUG
  • Shqiponja nuk gjuan miza. KRUJË
  • Trimëria dhe liria janë si nanë e bijë. KRUJË
  • Gjenerata e re shkruan shqip si me tastierë të prishur. Rr.Haradinaj/Prishtinë
  • Ai që përton sot, pendohet mot. VLORË
  • Bujku i mirë, ia merr me zorr bukën tokës. TROPOJË
  • Burri në shtëpi, si dreqi në xhami. ELBASAN
  • Çelësi që punon, nuk ndryshket. MALLAKASTËR
  • Dembeli është nëna e të gjithë veseve. VERI
  • Dera e përtimit, caku i mjerimit. LIBRAZHD
  • Dita pa punë nata pa gjumë. JUG
  • Dora me baltë buka me mjaltë. KOSOVË
  • Dora e larë, zorrë e tharë. JUG
  • Edhe ujët po të rrijë në një vend qelbet. JUG
  • Gruaja që nuk do të gatuajë, shosh gjithë ditën. SKRAPAR
  • Gjykon puna, s'gjykon guna. LIBRAZHD
  • Hekuri sa punohet, aq zbukurohet. VLORË
  • I mjeri ai që s'mendn për pleqëri. SHKODËR
  • Kaun që nuk vete në arë e pret sëpata. KURVELESH
  • Kazma në dorë, buka në gojë; kazma ne katua, trasta del për miell hua. SKRAPAR
  • Kush ka turp, vdes për bukë. JUG
  • Kush mori udhë, dhe do të lodhet. GJIROKASTËR
  • Kushtrimi del për të ligshtin, pse trimi kujtohet vet. SHKODËR
  • Lima dalëngadalë bëri tranë gjilpërë. JUG
  • Malet tunden, po nuk bien. JUG
  • Me fal gjakun është burrni. KOSOVË
  • Mos kij turp nga kush s'ka turp. JUG
  • Mos prit të të kërkojë e mira, po kërkoje. VLORË
  • Mushka do dru, e demi kular. SARANDË
  • Mos u fshi si miu prapa poçes. SKRAPAR
  • Në kudhrën e nxehtë, s'rrihet me çekan druri. JUG
  • Njeriut iu bëj njeri, qenit bëniu qen. JUG
  • Po kërciti dhëmbët qeni i qëndro me shkop në dorë. JUG
  • Po nuk qau fëmija, nuk i jep nëna sisë. JUG
  • Po nise një udhë, do kaptosh dhe sheshe, dhe male, dhe gurë. DEVOLL
  • Po nuk u turbullua, nuk kthjellohet. PËRMET
  • Kënga për darkë, brenga për drekë. JUG
  • Ku ka bletë, ka dhe mjaltë. PËRMET
  • Ku ka zemër ka dhe krahë. JUG
  • Kullote dhinë të të mbushë kusinë. GJIROKASTËR
  • Kur s'ke mbjellë, s'ke çfarë korr. JUG
  • Kur s'ke punë luaj derën. PËRMET
  • Kush fërkon pulën, ha edhe vezën. KORÇË
  • Kush fle ngorhtë ka edhe ftohtë. ARBËRESHËT
  • Kush i kullot deshët, ai qeth dhe leshët. PËRMET
  • Kush nuk di ç'është lodhja, ai nuk di ç'është çlodhja. BERAT
  • Kush përton vdes urije. BERAT
  • Kush rri në pemë, ha edhe kokrrat. KORÇË
  • Kush s'punon, dheut i rëndon. JUG
  • Kush zë brumë do të gatuajë. JUG
  • Me mirë "punë e mbarë", se "mirë se të gjej". SHKODËR
  • Mbill me një dorë, korr me të dyja. JUG
  • Me lopatë ari dhe shat argjendi tunden e lëkunden edhe malet nga vendi. SARANDË
  • Mirë se të gjej, o hija e madhe!- mirë se vjen o dembel hamë- A kamë leje të rri pak? Po pate me hangër rri sa të duash. TIRANË
  • Mos rri si nusja në dasëm. JUG
  • Moti ndihmon atëqë punon. BERAT
  • Nga puna po nuk rrodhi, domosdo do pikojë. VLORË
  • Nuk mund të dalë punë e madhe nga ai që nuk do të voglën. BERAT
  • Një ujë që nuk ecën s'pihet. ELBASAN
  • Paraja nuk i zgjedh njerëzit. VLORË
  • Po shkove me të kërciturit gishtërinjtë sot, mos u anko nga të kërciturit e zorrëve nesër. VLORË
  • Pula që këndon në mbrëmje nuk bën vezë në mëngjes. JUG
  • Puna e rinisë, jorgan i pleqërisë. TIRANË
  • Qan ara se nuk i vjen fara. SARANDË
  • Ruaj dhinë të pish qumështin. SARANDË
  • Sa më shpejt kositet livadhi; aq më shpejt lind bari. TROPOJË
  • S'bëhet vreshti me urata, po me shata e lopata. JUG
  • S'gjuhet me zagar lidhur. BERAT
  • Nuk zihet pleshti me dorashka. KORÇË
  • Shpjere gojën te buka e jo bukën te goja. JUG
  • Trupi shëndoshet me të punuar, mendja ndërtohet me të mësuar. JUG
  • Ujku e ka qafën e trashë, se ka kambët e shpejta. KRUJË
  • Vure vezën more pulën. KRUJË
  • Punën e sotme mos e lër për nesër.JUG

ençur, por pak dijnë.Rr. Haradinaj/Prishtinë

  • Mali digjet,plaka krehet. SHKUP
  • Mos hyn ne mal pa sepat. SHKUP-AGON
  • As copën e madhe mos e ha pa u menduar. KRUJË
  • Ç'del nga goja, hyn në vesh e del për hunde. JUG
  • Dardha dhe sëpata e kanë bishtin mbrapa. SARANDË

fund. JUG

  • Dijet e mëdha janë në fjalë të shkurtra. SHKODËR
  • Dy kunguj nën një sqetull s'mbahen. PËRMET
  • Dy vesh dhe një gjuhë, fol pak e dëgjo shumë. JUG
  • Dhjetë herë mat, një herë pre. KOSOVË
  • Fjala dhe plumbi kur dalin s'kthehen më. GUCI
  • Gazi i madh, kthehet në helm. KORÇË
  • Gjuha flet e fshihet, shpina pret e rrihet. KOSOVË
  • Gjella me kripë e kripa me karar. PËRMET
  • Gjuha eshtra s'ka, eshtra thyen. KURVELESH
  • Gjuha të lidh, gjuha të zgjidh. VLORË
  • Ha të rrosh, jo rro të hash. JUG
  • Janë të urtë të marrët sa pa thënë fjalët. JUG
  • Kashata e madhe të ngec në fyt. JUG
  • Këmba e madhe të shqyen këpucën. BERAT
  • Kur të hedhësh gurin, mate gjer ku arrin. JUG
  • Kur flet shkopi të vret. VLORË
  • Kur han bukë misri, kujto bukë thekri. JUG
  • Kur s'di not mos u fut në ujë. KORÇË
  • Kush ha shumë i del për hunde. PËRMET
  • Kush shef ma sëpari barkun, asht i mangët nga trutë. KAVAJË
  • Lakmia, lakfyt. PUKË
  • Lisi nuk pritet me nji të rame. FERIZAJ
  • Lulja e këputun nuk mbin ma. KRUJË
  • Më mirë një pulë nesër, se nji vezë sot. DIBËR
  • Mos dalë goja para mendjes. BERAT
  • Mos i bjer të mirës me shkelm. DIBËR
  • Mos i hyr valles, kur nuk di ta hedhësh. MYZEQE
  • Mos kërko vezë të pjekura në hell. SKRAPAR
  • Ngopet deti me lumenj? DEVOLL
  • Nuk mba ujë orizi. JUG
  • Një fjalë që e dinë dy veta, e dinë gjithë bota. ELBASAN
  • Pi rakinë e jo mendjen. JUG
  • Po fole shumë, sikur xhevahire të thuash, kakërdhi bëhen. KORÇË
  • Po t'i marrësh lopës tërë qumështin, ngordh viçi. JUG
  • Qefi prish qefin. JUG
  • Tamahu të shpie në gjynah. JUG
  • Të falurit e shumtë i vjen rëndë dhe perëndisë. KORÇË
  • Ujët e turbullt mbysin burrin, fjalët e shumta përziejnë katundin. JUG
  • Ujku kur ndien erën e dhenëve, harron që ata kanë barinë prapa. JUG
  • U mbush kupa do të derdhet. KRUJË
  • Unë i ha kumbullat, atij i mpihen dhëmbët. VLORË
  • Unë baj barrën, ti djersin. VERI
  • Vera sa ma e ëmbël të jetë, ma fort të zenë. SHKODËR
  • Vreshtë shumë mos ven, shpi shumë mos ban, miq shumë mios xen. SHKODËR
  • Nata s'ka shahit. SHKODËR
  • As para pushkës, as prapa mushkës. JUG
  • Atje ku fle ujët, atje është më thellë. KORÇË
  • Barka mbytet edhe për një lëkurë lepuri. SHKODËR
  • Bisha tërbohet keq, kur sheh se po i vjen fundi. JUG
  • Bie një gurë e shkoqet një mur. VLORË
  • Buka që thyet s'ngjitet më. JUG
  • Çdo gjë forcohet, në themel. BERAT
  • Ç'ka humbe mos e kërko, ç'ke në dorë mos e lësho. KRUJË
  • Çohet një i marrë e qet një gur në ujë, çohen njëzet të urtë e s'mund ta nxjerrin. SHKODËR
  • Dimrit iu bëj hazër që në behar, e beharit që në dimër. JUG
  • Dita ka sy, nata ka veshë. JUG
  • Duhet me i fry lugës para se me të djeg. KRUJË
  • Dha pesë e hyri në valle, jep dhjetë e s'del dot. BERAT
  • E dardhë është dhe bora, po të thanë duart. JUG
  • Edhe pas luftës armët duhet me i mbajtë. KOSOVË
  • E ke zogun në dorë, mbaje. KORÇË
  • Fusha ka sy, mali ka veshë. KRUJË
  • Gishtërinjtë i fut në mjaltë e i lëpin, po nuk i kafshon dot se të dhembin. DARDHË
  • I marri ç'flet nuk din, i urti ç'din nuk flet. VERI
  • I zoti duhet të ruajë arën e vet. ELBASAN
  • Jo si cjapi te kasapi. KORÇË
  • Kali nuk mbahet për bishti, po prej freri. TROPOJË
  • Ka thënë Nastradini, edhe në diell merr ombrellë. SHKODËR
  • Kur s'ke mace, bëjnë minjtë dasmë. ELBASAN
  • Kij frikë nga një njeri që frikën ta ka. KRUJË
  • Kujto qenë e bëj gati shkopin. KORÇË
  • Kur shkon për udhë merr shkop dhe gurë. PËRMET
  • Kur t'i hypësh kalit, shifi patkonjtë. ELBASAN
  • Kush vret nuk flet. SKRAPAR
  • Me zjarrin dhe ujin nuk bëhet shaka. VLORË
  • Mos luaj me gurë po e pate shtëpinë me xhama. SULOVË
  • Mos shkel në dërrasë të kalbur. KAVAJË
  • Mos shko si breshka te nallbani. KORÇË
  • Mos shko si cjapi te kasapi. SHQIPËRI E MESME
  • Mos u zër për degësh, po për rrënjësh. JUG
  • Nata është me barrë, s'dihet ç'pjell. KORÇË
  • Nga një vërë e vogël, rrjedh e gjithë fuçia. LABËRI
  • Nji shkëndi ndez nji mal. KORÇË
  • Për një dorë kashtë e vret samari mushkën. JUG
  • Për një pe, për një gjilpërë, vate dëm një punë e tërë. JUG
  • Ruaju të të ruajë perëndia. JUG
  • Ruhu nga thëngjilli i mbuluar. JUG
  • Së ligës ruaju, e mira të ndjek vetë nga pas. SKRAPAR
  • S'lidhet kali me pè. LUKOVË
  • Shkon një herë, bëhen gjurma; dy tri herë bëhet udhë. KORÇË
  • Ujku mjergull kërkon. JUG
  • Zë goje qenin, bëj hazër shkopin. GJIROKASTËR
  • Shtëpija pa fëmijë, si nata pa yje. SARANDË
  • Ma i keqi vëlla të merr hakën. KOSOVË
  • Motra jemi, shoqe s'jemi. JUG
  • Ndarja është më e mira e të ligave. SKRAPAR
  • Krushka për dhëndrin gjen peshk majë malit. SHKODËR
  • Gjumi natës i randë i bën keq ditës. SHKODËR
  • Gjumi në dëborë është shkesi i vdekjes. JUG
  • Mos pyet sa vjeç je, po ç'shëndet ke. TIRANË
  • Nuk mbushet pusi me pështyma. GRAMSH
  • As këmishës së shtatit s'është për t'i besu. KAVAJË
  • Besove, bëre mirë, s'besove, ca më mirë. JUG
  • Ç'ka shtëpia të mos marrë vesh fqinjëria. SKRAPAR
  • Do të ruash sekretin nga armiku, mos ia thuaj as mikut. BERAT
  • Esapi i shtëpisë nuk del në pazar. KORÇË
  • E thëna dhe e bëra janë larg. DIBËR
  • I marri premton dhe budallai shpreson. JUG
  • Kur qesh djalli e ka punën keq. VLORË
  • Mba murin mos bie. SHQIPËRI E MESME
  • Me thënë e me të bërë shkon në mes një lum i tërë. JUG
  • Më gënjeve një herë, harram e paç, më gënjeve të dytën hallall. JUG
  • Mos u bëj thes i çpuar. SKRAPAR
  • Mos dëgjo ç'thotë ai për vete, por dëgjo ç'thonë bota për të. SKRAPAR
  • Ma kanë sharë pelën se kanë sy ta blenë. JUG
  • Në më rrefsh së pari të vraftë Zoti, në më rrefsh së dyti, të ndihmoftë Zoti. JUG
  • Kur të thonë ngordhi ujku, atëherë ruaj gomarë. JUG
  • Mos i jep shkopin harbutit, se të vret me shkopin tënd. MYZEQE
  • Nuk është ar gjithë që ndrit. VERI
  • Nuk i varen ujkut mëlçitë në qafë. KORÇË
  • Kur merr dërrasa të plasur, çahet e tëra. SKRAPAR
  • Kur je veti i dytë, të ngoh dhe fryma e shokut. BERAT
  • Lulja e këputur nuk lëshon më. MYZEQE
  • Me mikun ha e pi, të dhënë e të marrë mos ki. JUG
  • Mendja me mendjen, pjellin mëndje. JUG
  • Me një ka nuk bëhen pendë. JUG
  • Me nji tra nuk mban shtëpia. JUG
  • Mëson nga armiku më shumë se nga miku. JUG
  • Miku i mirë të nderon shtëpinë, miku i vjetër nuk hidhet poshtë. JUG
  • Miku është mik deri sa nuk përzihet në hallet e shtëpisë. VERI
  • Miku harrohet po të largohet. PËRMET
  • Miku i mirë vjen nga porta. BERAT
  • Nuk bëhet stani me dhi të egra. VLORË
  • Njeriu ka nevojë më tepër për dashuri, se për lavdi. JUG
  • Njeriu pa shokë, si muri pa tokë. JUG
  • Miku i mikut tim, është edhe miku im. VLORË
  • Një krah s'mban kala. GJIROKASTËR
  • Një zog që ndahet nga klloçka, e ha shqipja. SKRAPAR
  • Pa djalë e pa gocë rrova, pa shok nuk rrova. KRUJË
  • Për një shamatë, lypen dy veta. SARANDË
  • Punën nuk e bën një gisht, po e bën grushti. TROPOJË
  • Qentë le të lehin, karvanet të shkojnë përpara. JUG
  • Ruajmë nga miku, se nga armiku ruhem vetë. VLORË
  • S'bëhet lëmi me një kalli. JUG
  • S'bëhet stani me lepura. MYZEQE
  • S'mblidhen lepujt në vath. JUG
  • S'mbushet thesi me një kokërr. LUKOVË
  • Syri është më i mprehtë se kordha. JUG
  • Shejtani kur nuk ka punë rreh të birin. JUG
  • Shokë bashkë, e bukë veç. JUG
  • Trimi i mirë me shokë shumë. JUG
  • Shoku sa duhet, aq qortohet. KOSOVË
  • Shtëpinë e mbajnë të gjitha shtyllat. BERAT
  • Tek nusja hanë e pinë, te dhëndrri gja nuk dinë. VERI
  • Të më mbrosh atje ku s'jam, se ku jam mbrohem vetë. LIBRAZHD
  • Uji fle, hasmi s'fle. LIBRAZHD
  • Ankohet kalorësi se po i varen këmbët. VERI
  • As nuk kam, as më mbarohen. KAVAJË
  • Bjer, o zot, mikun; të haj dhe i zoti i shtëpisë. LABËRI
  • Bota të jep aq sa t'i kesh dhënë asaj. JUG
  • Bukë e kripë e zemër. KAVAJË
  • Çilet dera, rritet ndera. VERI
  • Dora lanë dorën, të dyja lajnë faqet. ELBASAN
  • Edhe pula jote në kopshtin e botës të duket e majmë. KOLONJË
  • Fshati digjet, plaka krihet. JUG
  • Fukara jam, po shpirtin nuk e kam fukara. VERI
  • I mirë për shokë, e i lig për vete. JUG
  • Bukën tënde ha, hall të botës qa. LUNXHËRI
  • Çezma i lan të gjithë, veten nuk e lan. DELVINË
  • I fundit ja do qaj, ja do qeshë. LABËRI
  • I qan hallin kalorësit. DURRËS
  • I zoti i shtëpisë, rri në fund të urave të zjarrit. POGRADEC
  • Jo gjithmonë "mirë se të gjeta" po edhe "mirë se erdhe". ELBASAN
  • Kafeja është e zezë, po të zbardh faqen. JUG
  • Nga fryn era kthen gëzofin. DIBËR
  • Kam qeshur të tjerë, më mbiu në derë. KORÇË
  • Keq më vjen, po dëm s'më bëhet. SKRAPAR
  • Ku s'të thërresin, mos shko; ku s'të pyesin, mos kuvendo. ELBASAN
  • Këpucari i ka këpucët e grisura. JUG
  • Kërkon të zërë gjarpërin me dorë të botës. JUG
  • Kopraci s'të jep të zezën e ullirit. JUG
  • Ku bien daullet të çojnë këmbët vetë. SKRAPAR
  • Ku rënça mos u vrafsha. VLORË
  • Kur të kem me thasë, të të jap një trastë. SHIJAK
  • Kur të vjen nevojtari në derë, po s'pate gjë, jep një gotë ujë. SKRAPAR
  • Kush ha vetëm, vdes dhe vetëm. JUG
  • Kush shkon pa thirrë, kthen pa u përcjellë. SHKODËR
  • Kush vete i paftuar, e gjen sofrën pa shtruar. ARBËRESHËT
  • Kush vjen rrallë, ha bakllavanë, kush vjen shpesh ha përsheshë. KRUJË
  • Le gomari që na ngordhi, po s'na lënë as mizat rehat. KORÇË
  • Lype se s'ta jep, merre se nuk thotë gjë. KAVAJË
  • Mali me mal s'piqen, po njeriu do piqet. JUG
  • Me çfarë syri do më shofësh, me atë do të shof. ELBASAN
  • Merr belanë e botës e vë në krye të votrës. ELBASAN
  • Miku i afërt nuk ka nder, se vjen përherë. MYZEQE
  • Miku i thirrur, duhet përcjellun. MIRDITË
  • Miku nuk vjen për thelë e lëng, po për fjalë e për kuvënd. KRUJË
  • Mikut i lëshohet vendi dhe i dëgjohet kuvendi. KRUJË
  • Mirmëngjes, me interes. FIER
  • Mos qesh në shok, se e gjen në kokë. KOSTUR
  • Mos e lëndo ku i dhemb. JUG
  • Në daltë djalë të na rrojë, në daltë çupë, të të rrojë. JUG
  • Në shtëpinë e të varurit, nuk zihet litari me gojë. DELVINË
  • Nuk dua mish e kabuni, po dua, ner e sajdi. KAVAJË
  • O bark, o qerrata, këtu gjete, këtu ha. BERAT
  • Pa para njeriu ha dhe një thes me kripë. VLORË
  • Peshku në det, kripa në tokë, po bashkohen në tigan. KORÇË
  • Prifti më përpara bekon mjekrën e tij. KOLONJË
  • Pula bëri venë, gjelit i dhemb barku. KUÇ
  • Pushka e trimit dhe sofra e xhymertit, janë gjithmonë plot. SHKODËR
  • Qenit hidhi një kockë, të pushojë. SKRAPAR
  • Rrugën për te miku, mos e lër të zërë bar. FIER
  • Sevapi as shitet, as blihet. JUG
  • Sqepari bishtin e shokut e gdhend, të tijin jo. PËRMET
  • Ta shef bojën, sa ta ka nevojën. SKRAPAR
  • Trimi nderon trimin, i mençmi të mençmin, i ligu të ligun. TROPOJË
  • Unë ha kumbulla, ty të mpihen dhëmbët. JUG
  • Ustai nuk ka shtëpi. MYZEQE
  • Drunë e shtrembër e djeg zjarri.
  • Ai që s'tutet me fjalë, s'tutet as me pushkë.
Njerëzit që s'kanë frikë të flasin, s'kanë frikë as të vdesin.
  • Ajo që ke frikë të gjen.
  • Ai që s'ka gojë, vdes pa ardh dita.
  • Ai që s'tutet me fjalë, s'tutet as me pushkë.
  • Atë që pështyn, mos e lëpij.
  • Atë që të qëllon me gur, mos e qëllo me bukë.
  • Ai që hyn në lumë edhe do laget.
  • Çakallit lëshoi ujkun.
  • Çkul dhëmbin, të të shëndoshen kryet.
  • Ç'pret nga ai që trembet ngas hija e tij.
  • Dajaku ka dalë nga xheneti.
  • Delen e mplakë frika nga ujku e gërshëra.
  • Derri do plumbin, nuk zihet me duar.
  • Ditëgjati s'bëhet ditëshkurtër me nëmë.
  • Drunë e shtrëmbër e djeg zjarri.
  • Dhe kau i mirë po s'e ngacmove, s'tërheq në brazdë.
  • Dhelprës me dhelpëri, ujkut me trimëri.
  • E nxehta del me të nxehtë, e ftohta me të ftohtë, helmi me helm.
  • Frika nuk e len lepurin me u majtë.
  • Frika ruan vreshtin, bekçiu nuk është gjithnjë.
  • Frika nuk e lë lepurin të vërë dhjamë.
  • Fusha bën baltë, mali bën furtunë.
  • Gozhda nxjerr goxhdën.
  • Gungaçit vetëm varri ia drejton samarin.
  • Guri i rrumbullkët nuk zë vend.
  • Gjalpin e ruan kripa.
  • Gjersa të mejtonet i mënçuri, i marri mbaroi punën.
  • I madh është edhe plepi, por e fëlliqin sorrat.
  • Ku do të dijë hëna se lehin qentë.
  • Ku ngul hunë var hejbet.
  • Ku rafsha mos u vrafsha.
  • Kur i morën armët Lekë Dukagjinit, tha: "Ma mirë me thon qe Leka, se qe vorri i Lekës".
  • Kur ke zemër ke edhe krahë.
  • Kur ngordh gjarpri, ngordh dhe helmi i tij.
  • Kush kërkon gjen.
  • Kush është trim me mend, se trima budallenj ka sa të duash.
  • Kush ka dhëmbë të fortë, breh dhe kockën.
  • Kush ka frikë nga hija e tij, le të mos tundet nga vendi.
  • Pushka don pushkën.
  • Pyet detin sa lumenj derdhen në të.
  • Qeni i pangopur të ha.
  • Qeni i tërbum do vra, se tërbon dynjanë.
  • Rrallë vritet burri që ka shumë armiq.
  • Si mjer peshkatari që ka frikë nga lumi.
  • S'ka qeder shqiponja, nga mushkonjat.
  • Shqerra që s'thërret mëmën humbet.
  • Trimëria e kthen plumbin mbrapsht.
  • Trimi e ka me vete fatin.
  • Trimin vraje, po mos e shaj.
  • Uji rrjedh pikë-pikë e ha gurin.
  • Zjarrit po nuk i fryve, nuk ndizet.
  • Amanetin e mban toka.
  • Amanetin as deti nuk e mban, e qet në lëndinë.
  • Mos ki frikë nga hasmi, po nga miku i rremë.
  • Po nuk e pate të ligun brenda, nuk të vjen nga jashtë.