Përdoruesi:Gani Gashi (Kosovar painter)

Gani Gashi

Gani Gashi ne Atelen në tij në Prishtinë, Maj 2010

Gani Ismail Gashi (27 Shkurt 1944) është një piktor dhe grafik shqiptar i njohur për kontributin e tij në zhvillimin e artit bashkëkohor në Kosovë dhe më gjerë. Vepra e tij karakterizohet nga një ndjeshmëri e thellë figurative, simbolikë kulturore dhe përkushtim estetik ndaj identitetit kombëtar dhe kujtesës kolektive. Gashi ka ekspozuar në shumë galeri të rëndësishme dhe është vlerësuar nga kritikë, shkrimtarë dhe artistë për stilin e tij të veçantë dhe mesazhin shpirtëror të artit të tij.

Citate nga Gani Gashi

• "Nuk ndjek rrymat. Pikturoj me atë që më vjen nga brenda, nga thellësia e shpirtit."
• "Çdo vepër lind gjatë procesit. Nuk e di si do jetë fundi, vetëm filloj – dhe ajo më tregon rrugën."
• "Ngjyrat nuk janë vetëm pamje. Ato janë zëra. Janë ndjenja. Janë vetë historia ime."
• "E zeza dhe kuqja janë ngjyrat e shpirtit tim. Ato mbajnë peshën dhe zjarrin e përjetimeve të mia."
• "Piktura është një rrugëtim. Kur unë mbyll një, ajo nis të flasë vetë me shikuesin."
• "Nuk ka rregull që më udhëheq. Rregulli im është ndjenja – dhe ndjenja nuk ka kufij."
• "Ekspozita ime nuk është vetëm art. Është një hapësirë ku çdo njeri mund të gjejë veten përmes ngjyrës."

Citate për Gani Gashin

• "Grafika e Gani Gashit është sensibile, domethënëse dhe mjaft komplekse. Imazhi i saj është plot porosi."

— Bislim Aliu, piktor, *Rilindja*, korrik 2000

• "Koncepti filozofiko-estetik është ekzistimi i njeriut në kohë dhe në hapësirë, si dhe pozita e tij në jetë."

— Bislim Aliu

• "Shprehja e tij e mirëfilltë, sensi vetjak dhe imazhet e tij si porosi qëndrojnë lart në grafikën bashkëkohore kosovare."

— Bislim Aliu

• "Kam lexuar pikturat e tij si libra ku flet secila ngjyrë... kam zbuluar një botë krejt tjetër siç nuk e kisha parë kurrë."

— PHILO. SIGNA, për ekspozitën personale në Tiranë, 2004

• "Ngjyrat flasin edhe me dhimbje. Ky është arti që me pak thotë shumë."
• "Çdo pikturë e këtij artisti mund të lexohet si metaforë kozmike."
• "Gani Gashi është piktor i figurës dhe i metaforës. Me një gjuhë jo të zakonshme të ngjyrave, ka krijuar një pavarësi estetike."  : — Gani Xhafolli, shkrimtar
• "Ka shkuar shumë më larg se mësuesit e tij të dikurshëm që në fillim kishin bërë një ndikim deri në shlirimin e shprehjes."

— Gani Xhafolli, për ekspozitën Rrethi, Viti, 2022

Tematika dhe Stili

Gani Gashi nuk ndjek një rrymë të caktuar artistike, por pikturon në mënyrë spontane atë që ndjen në shpirt. Në veprat e tij ndërthuren elemente të ekspresionizmit, surealizmit dhe pop art-it, por ai nuk i përfill ndarjet stilistike. Arti i tij mbart një lëvizje të ngrohtë dhe të sinqertë, duke reflektuar përjetimet personale dhe kolektive të individit në kohë moderne.

Burime

• Katalogu i ekspozitës personale të Gani Gashit, Galeria Kombëtare e Arteve, Tiranë, qershor 2004
• Gazeta “Rilindja”, korrik 2000, artikull nga Bislim Aliu
• Ekspozita “Rrethi”, Viti, 2022