Wikiquote:Wikicitate

Nga Wikiquote
Jump to navigation Jump to search

Çfarë janë citatet?[redakto]

Citatet janë njëherazi të zakonshme dhe madhështore. Cilido qoftë qëndrimi filozofik, shteti, raca apo feja e origjinës së tyre; qofshin ato serioze apo të çuditshme; pa marrë parasysh nëse krijuesi tyre është i famshëm ose famëkeq, i diskutueshëm ose i njohur; citatet janë thelbi i urtësisë i rafinuar në disa fjalë të pakta të zgjedhura mirë.

Ato mund të na frymëzojnë të kërkojmë të kuptojmë krijuesit e tyre, të rikonsiderojmë jetët tona, të qeshim ose thjesht të admirojmë mjeshtërinë e gjuhës së tyre. Sido t'i përdorim, citatet përbëjnë njohuritë e përmbledhura të shoqërisë, një trashëgimi dijeje e kaluar nga njëri brez në tjetrin.

Çfarë është Wikicitate?[redakto]

Wikicitate është një përmbledhje e saktë dhe gjithëpërfshirëse e citateve të shquara.

  • Citate: Wikicitate është një përmbledhje citatesh. Për hir të informimit, artikujt duhet të kenë një hyrje të shkurtër mbi temën që trajtojnë, kontekstin apo burimin. Gjithsesi, qëllimi kryesor mbetet përfshirja e citateve.
  • Të sakta: Wikicitate synon për saktësi. Ne përpiqemi të vendosim burime në citatet tona. Ne përpiqemi të gjejmë ato citate të cilat u janë atribuar gabimisht disa personave, t'i dokumentojmë me saktësi dhe, nëse është e mundur, të përcaktojmë shkakun e atribuimit të gabuar.
  • Gjithëpërfshirëse: Wikicitate është gjithëpërfshirës dhe kërkon citate nga njerëz të ndryshëm, vepra letrare, filma, kronika, epitafe e të tjera mediume. Ne përfshijmë citate nga e shkuara dhe nga e tashmja e çdo vendi, qoftë ai real apo fiktiv.
  • Të shquara: Wikicitate e limiton veten në përfshirjen e vetëm atyre citateve të cilat konsiderohen të shquara. Një citat mund të konsiderohet i tillë pasi ka arritur famë për shkak të faktit se ka kuptim për njerëz të shumtë apo sepse i atribuohet një njeriu të famshëm apo është shfaqur në një vepër të famshme.

Lidhje të jashtme[redakto]

Wikipedia ka një artikull për fjalën: