Albert Camus

Albert Camus (7 nëntor 1913 - 4 janar 1960) ka qenë shkrimtar dhe filozof francez, fitues i Çmimit Nobel për Letërsi (1957). Është i njohur për stilin karakteristik të shkrimit dhe me tematikat e veprave të tij. I gjithë opusi letrar i tij bazohet në idenë absurde të ekzistencës së njeriut.

Thënie

• Njerëzit bëjnë sikur e respektojnë drejtësinë, por ata i gjunjëzohen vetëm forcës.
• E gjithë bota e di, që të qeverisësh është të vjedhësh.
• Budallenjtë këmbëngulin gjithmonë.
• Shtypi i lirë mund të jetë i keq ose i mirë, por pa lirinë nuk mund të jetë tjetër përveçse i keq.
• Pas njëfarë moshe, çdo njeri është përgjegjës për fytyrën e tij.
• Përpjekja e inteligjencës njerëzore duhet të jetë një trashëgimi e përbashkët dhe jo një burim konfliktesh e vrasjesh.
• Kush nuk jep asgjë, asgjë s'i mbetet.
• Të të bëhet zakon dëshpërimi është më keq se vetë dëshpërimi.
• Pasioni më i madh i këtij shekulli është servilizmi.
• Që një mendim të ndryshojë botën, duhet më parë të ndryshojë jetën e zotëruesit të saj.
• Gjëja kryesore që e dallon njeriun nga kafshët është imagjinata.
• Sa krime janë kryer vetëm sepse autorët e tyre nuk mund të duronin ta kishin gabim!
• Ekziston vetëm një mënyrë për të qenë të barabartë me hyjnitë: mjafton të jemi mizorë si ata.
• Lumturia, kjo mësuese e madhe e ceremonive të jetës, na shpie përmes labirinteve e dredhave të saj, por nuk kalon kurrë dy herë për të njëjtën rrugë.
• Të krijosh është t'i japësh formë fatit tënd.
• Njeriu e ka krijuar Zotin vetëm për të mos u vetëvrarë.
• Ndershmëria nuk ka nevojë për rregulla.
• Vetëm e vërteta mund të përballet me padrejtësinë.
• Të dashurosh dikë do të thotë të pranosh të plakesh me të.
• Po qe se ka një mëkat kundër jetës, nuk është dhe aq dëshpërimi, sa ç'është të shpresuarit në një tjetër jetë, duke iu shmangur madhështisë së kësaj.
• Nuk mund të të pëlqejë te tjetri diçka që nuk të pëlqen te vetja.
• Edhe nga vendi i të pandehurit është interesante të dëgjosh të flitet për ty.
• Lumturia është pajtimi i sinqertë mes njeriut dhe jetës që ai bën.
• Po të ishte bota e qartë, arti nuk do të ekzistonte.
• Gabimet janë gallatë, e vërteta është bajate.
• Politika dhe e ardhmja e njerëzve mbruhen nga individë pa ideale dhe pa madhështi. Kush ka madhështi brenda vetes nuk merret me politikë.
• Për të qenë të lumtur, nuk duhet të merremi shumë me të afërmit.
• Nëse nuk të duan është fatkeqësi, por të mos dish të duash është tragjedi.
• Vjeshta është një pranverë e dytë, ku çdo gjethe është një lule.
• Për shekuj me radhë vrasja është ndëshkuar me vdekje, e megjithatë raca e Kainit nuk është zhdukur.

Referime

• Camus, Albert. "Aforizma.al - Thënie nga Albert Camus". Aforizma.al. Marrë më 28 nëntor 2020.