Margaret Thatcher

Nga Wikiquote
Shko tek: lundrim, kërko

Margaret Hilda Thatcher ka qenë Kryeministre e Britanisë së Madhe; femra e parë që mbante një pozicion të tillë. Një nga figurat më të shquara të shekullit të 20-të.

Citime nga Margaret Thatcher[redakto]

Citimet e mëposhtëme ruajnë një rend kronologjik.

1993[redakto]

  • “Liria është kufizimi i fuqisë së Shtetit.”
  • “Politikanët nuk janë menaxherë të mirë.”
  • “Detyra jonë [si politikanë] është që të krijojmë një kornizë brenda së cilës talenti dhe vlera individuale të mobilizohen dhe jo të shtypen.”
  • “Shteti është një sipërmarrës i keq, dhe gjithashtu një administrator i keq i shërbimeve publike.”

1995[redakto]

  • “Tregu nuk është shpikja e ndonjë ekonomisti akademik. Liria për të blerë, për të shitur dhe shkëmbyer është një nga liritë më të lashta të njohura nga njeriu. Konsumatorët vendosin çfarë të blejnë, prodhuesit çfarë të prodhojnë, dhe konkurrenca përcakton çmimin.”
  • Në një shoqëri të lirë, gjithë çka duhet të shënjestrojmë është një Shtet i kufizuar. Që nuk do të thotë një Shtet i dobët. [...] Por Shteti duhet të jetë një shërbëtor, dhe jo një padron.”
  • “Liria ekonomike dhe ajo politike janë dy faqe të së njëjtës medalje. [...] Aftësia për të punuar, për të fituar, për të kursyer, për të dhuruar dhe trashëguar lirisht, pa u mbytur nga kujdesi i Shtetit, është e një rëndësie jetësore për një shoqëri të lirë. [...] Kapitalizmi është, në realitet, demokraci ekonomike. Me kapitalizmin, fuqia është e shpërndarë mes individësh të pafund që shprehin një shumësi zgjedhjesh, që nuk janë më në dorë të Shtetit.”

2003[redakto]

  • “Socializmi është si një nga ata viruset e tmerrshëm. Menjëherë sapo gjen një kurë kundër një versioni, ja që evoluon vetvetiu në një tjetër. Në të shkuarën, ishin nacionalizimi, plaçkitja fiskale dhe ekonomia e planifikuar. Në ditët e sotme, socializmi prezantohet më shpesh në rroba të ambientalizmit, feminizmit apo shqetësimit ndërkombëtar për të drejtat njerëzore. Gjithë kjo tingëllon mirë, në abstrakt. Por gërvishtni sipërfaqen dhe, me shumë mundësi, do të gjeni antikapitalizmin, kuota paternaliste dhe shtrembëruese, e ndërhyrje në sovranitetin dhe në demokracinë e kombeve. Sllogane të rinj: gabime të vjetra.”

2004[redakto]

  • “Humbëm një president të madh, një amerikan të madh dhe një njeri të madh. Dhe unë humba një mik të dashur. [...] Të tjerë kanë profetizuar rënien e Perëndimit; ai ka frymëzuar Amerikën dhe aleatët e saj me besim të rinovuar në misionin e tyre për liri.”